Historia de Palavea

​

O proxecto foi realizado na primera metade do ano 2022 por parte da Asociación veciñal "Os nosos lares", baixo a coordinación de Ana Santomé e Álvaro B. Pérez Sancho, historiadores membros da mesma, e contou coa colaboración da E.I.M. Os Cativos e do Centro de Reeducación Concepción Arenal de Palavea. Este proxecto foi posible grazas ao programa "Cultura Accesible e Inclusiva", convocatoria 2021, da Fundación Emalcsa.

​

O proxecto busca facer accesible a cultura e o patrimonio histórico documental referido á historia do barrio para a súa posta en valor e coñecemento tanto a través de diversas actividades realizadas durante este período como a través do desenvolvemento dunha aplicación virtual concreta, realizada por XOIA Software que culmina o proxecto. De esta forma búscase acercar aos veciños e rapaces do centro aos arquivos históricos, as fontes e os rudimentos da investigación como forma de coñecer o territorio e a contorna e, por medio da aplicación, difundir empregando novas tecnoloxías a historia do barrio para facilitar a súa difusión e coñecemento. Neste proceso  forma de coñecer o territorio e o espacio do barrio para iso fixemos paseos, encontros con diversos veciños, buscamos fotografías e mapas antigos, incorporamos e consultamos obras sobre aspectos do barrio a biblioteca da Asociación, ordenamos o arquivo da Asociación, accedimos a documentación doutras institucións, organizamos encontros de tipo histórico e elaboramos, finalmente, esta aplicación.

​

O proxecto de "Historia virtual do barrio" culminou con esta aplicación, pero continuaremos incorporando fotografías e comentarios históricos sobre diferentes aspectos para manter vivo periódicamente o espíritu de este proxecto e poder ir ampliandoo progresivamente con toda a documentación, imaxes e outros aspectos que ao longo do proxecto xurdiron e que por razóns técnicas ou limitacións económicas non poideron estar presentes na aplicación.

​

​

​